Race Gurram Telugu Movie Review | Allu Arjun Race Gurram Review

Race Gurram Telugu Movie Review

• చిత్రం
  రేసు గుర్రం
• బ్యానర్
  శ్రీ లక్ష్మి నరసింహా ప్రొడక్షన్స్
• దర్శకుడు
  సురేందర్ రెడ్డి
• నిర్మాత
  నల్లమలపు శ్రీనివాస్ (బుజ్జీ)
• సంగీతం
  ఎస్.ఎస్. థమన్
• సినిమా రేటింగ్
   3/5
• ఛాయాగ్రహణం
  మనోజ్ పరమహంస
• ఎడిటర్
  గౌతమ్ రాజ్
• విడుదల తేది
  ఏప్రిల్ 4, 2014
• నటినటులు
  అల్లు అర్జున్ , శ్రుతిహాసన్, శ్యామ్, సలోని తదితరులు

రేసు గుర్రం

లక్కీ(అల్లు అర్జున్ ) జాబ్ లేకుండా జులాయిగా తిరుగుతూ అమెరికా వెళ్లడానికి వీసా కోసం వెయిట్ చేస్తుంటాడు.  అతని అన్న రామ్ (కిక్ శ్యామ్ ) పోలీస్ ఆఫీసర్. ఈ ఇద్దరన్నదమ్ములు క్షణం కూడా కలిసి ఉండరు. చీటికి మాటికి ప్రతి చిన్న విషయానికి గొడవ పడుతుంటారు. ఓ రోజు లక్కీ స్పందన (శ్రుతి హాసన్ ) ని చూసి తొలి చూపులోనే ప్రేమలో పడతాడు. అనుకోని విధంగా అన్నకి మినిస్టర్ (రవికిషన్ ) నుంచి థ్రెట్ ఎదురు అవుతుంది. అప్పుడు తన అన్నని తన తెలివితో ఆ సమస్య నుంచి ఎలా బయిటపడేసాడన్నదే ఈ రేసుగుర్రం కథ.

మెగా అభిమానులు ఎప్పుడెప్పుడా అని ఎదురుచూస్తున్న ‘రేసుగుర్రం ’ సినిమాను  ఇప్పటికే పలుమార్లు  వాయిదా వేసి, ఎట్టకేలకు నేడు ప్రేక్షకుల ముందుకు తీసుకొచ్చారు. ‘కిక్, ఊసరవెల్లి ’ చిత్రాలతో స్టైలిష్ దర్శకుడిగా పేరు తెచ్చుకున్న సురేందర్ రెడ్డి స్టైలిష్ స్టార్ అల్లు అర్జున్ ఇద్దరు ఓ భారీ హిట్టు కోసం ప్రయత్నించిన సినిమా ‘రేసుగుర్రం ’. ఇద్దరమ్మాయిలతో సినిమా అంతంత మాత్రంగానే ఆడటం, దర్శకుడిగా ‘ఊసరవెల్లి ’ సినిమా అనుకున్న ఫలితాన్ని సాధించక పోవడంతో ఇద్దరు ఎంతో కసితో ఈ సినిమాను చేశారు.

ఫన్, స్టైల్, యాక్షన్ కలగలిపిన ఫ్యామిలీ ఎంటర్ టైనర్ చెప్పుకొస్తున్న దర్శకుడు సురేందర్ రెడ్డి ఆ మాటలను ఎంత వరకు నిజం చేశాడు. ఈ సినిమాను వెండి తెర పై రేసులో ఉన్న గుర్రంలా పరిగెత్తించాడా లేదా అన్నది ఈ సినిమా రివ్వూ ద్వారా చూద్దాం.

టాలీవుడ్ లో స్టైలిష్ట్ స్టార్ గా పేరు తెచ్చుకున్న అల్లు అర్జున్ నటన గురించి వేరే చెప్పాల్సిన అవసరం లేదు. సినిమా కథను అంతా బన్నీ తన భుజాల పై వేసుకొని లాక్కొచ్చాడు. కామెడీ, యాక్షన్ సీన్స్ లో అదరగొట్టాడు. ప్రతి సీన్ లో పూర్తి ఎనర్జీని ఉపయోగించి చేశాడు. పాత్ర, ఎమోషన్స్ లో చాలా చక్కగా చేశాడు. పోలీస్ ఆఫీసర్ పాత్రలో కొద్దిసేపు కనిపించినా సూపర్బ్ గా చేశాడు.

అల్లు అర్జున్ చేసే అల్లరి మన ఇంట్లో చిన్న పిల్లల అల్లరి గుర్తుకు తెస్తుంది. అల్లు అర్జున్ సరసన తొలిసారి నటించిన శ్రుతి హాసన్ స్పందనగా...ఎమోషన్స్ ని ఓపెన్ గా చెప్పని పాత్రలో శృతి హాసన్ బాగా నటించింది. ఇక ఈ సినిమాలో శృతి హాసన్ తన గ్లామర్ ని వెండి తెరపై శ్రుతి మించి  ప్రవహింపజేసింది. కామెడీ పాత్రల్లో బ్రహ్మానందం, అలీ మరోసారి తమ విశ్వరూపం చూపించారు.

సెకండాప్ లో ప్రేక్షకుల్ని కడుపుబ్బా నవ్వించారు. కిల్ బిల్ పాండేగా దాదాపు ఇరవై నిముషాలు పాటు థియేటర్లో నవ్వులు కురిపించాడు. భోజపురి సూపర్ స్టార్ రవికిషన్ ఈ చిత్రంతో విలన్ గా పరిచయమయ్యాడు. శివారెడ్డి గా ఆయన ఫెరఫెక్ట్ గా మాచ్ అయ్యాడు.

సినిమాలోని మిగతా పాత్రల్లో తణికెళ్ల భరణి, ప్రగతి,ఎమ్ఎస్ నారాయణ, పవిత్ర, రఘుబాబు వంటి వారు ప్రత్యేకంగా చేసిందేమీ లేకపోయినా,తాము చేసిన పాత్రకు న్యాయం చేసారు. సలోని గురించి పెద్ద చెప్పుకోవటానికి ఏమీ లేదు. పోసాని పాత్రకు సైతం మంచి రెస్పాన్స్ వచ్చింది. సురేంద్ర రెడ్డి మరోసారి తనలోని కామెడీ పంచ్ ఈ సినిమా ద్వారా రుచి చూపించారు.

సాంకేతిక విభాగం :

తొలిసారి అల్లు అర్జున్ సినిమాకు సంగీతం అందించిన థమన్ మాస్ పాటలకు అదిరిపోయే మ్యూజిక్ ఇచ్చాడు. కొన్ని పాటలు వినసొంపుగా లేదు. ఆడియో కంటే బ్యాక్ గ్రౌండ్ మ్యూజిక్ అదర గొట్టాడు. థమన్ మాస్ బీట్ కి బన్నీ అదిరే స్టెప్టులు వేశాడు. కొరియోగ్రఫీ బాగుంది. ఇక ఈ సినిమాకు ఛాయగ్రహాణం అందించిన మనోజ్ పరమహంస చాలా క్లాస్ గా రిచ్ గా ఉంది. ఒకరకంగా సినిమాకు ఇది చాలా ప్లస్ పాయింట్. ప్రతి సీన్ ని, సాంగ్ ని బాగా చూపించాడు. ఎడిటింగ్ ఫస్టాఫ్ లో కంటే సెకండాఫ్ షార్ప్ గా ఉంది. పంచ్ డైలాగులు, కామెడీ పంచ్ లు బాగా పేలాయి.

Race Gurram Telugu Movie Review, Race Gurram Review, Race Gurram Rating, Race Gurram Movie Review, Allu Arjun Race Gurram Review, Race Gurram Movie Review and Rating, Race Gurram Movie Stills, Race Gurram Movie Posters, Race Gurram Movie Gallery, Race Gurram Movie Trailers, Race Gurram Movie Videos, Race Gurram Movie Teasers, Race Gurram Movie Wallpapers, Race Gurram Movie Release Date, Race Gurram U/A, Race Gurram Movie Director Surender Reddy, Starring Allu Arjun, Shruti Haasan , Prakash Raj.

Rowdy Telugu Movie Review and Rating

Rowdy Telugu Movie Review

• చిత్రం
  రౌడీ
• బ్యానర్
  24 ఫ్రేమ్స్ ఫ్యాక్టరీ, ఎవి పిక్చర్స్.
• దర్శకుడు
  రామ్ గోపాల్ వర్మ
• నిర్మాత
  ఆర్.విజయ్ కుమార్, పి.గజేంద్ర నాయుడు, ఎమ్.పార్థసారథి నాయుడు
• సంగీతం
  సాయి కార్తిక్
• సినిమా రేటింగ్
   2.5/5
• ఛాయాగ్రహణం
  సతీష్ ముత్యాలా
• విడుదల తేది
  April 4th, 2014
• నటినటులు
  మోహన్ బాబు, విష్ణు, జయసుధ, శాన్వీ.

రౌడీ

అమెరికాలో 3 వ తేదీ రాత్రి 8.00 గంటలకు, భారత్ లో 4 వ తేదీ ఉదయం 9.30 కి విడుదలైన రామ్ గోపాల్ వర్మ దర్శకత్వంలో రూపొందిన రౌడీ చిత్రం మోహన్ బాబు వర్మల కాంబినేషన్ తో తయారైన మొదటి సినిమా కావటం విశేషం. సర్కార్, గాడ్ ఫాదర్, నాయకుడులాగానే ఉండకుండా ఈ సినిమాకు ప్రాంతీయ రంగును అద్దటం కోసం రాయలసీమ నేపథ్యంలో సాగిన కధగా మలిచారు దర్శకుడు వర్మ.

"అన్నగారు" గా అందరికీ న్యాయం చెయ్యటం కోసం చట్టాన్ని తన చేతుల్లోకి తీసుకునే మంచి రౌడీ పాత్రలో మోహన్ బాబు ధనం కంటే మానమే ముఖ్యమని నమ్మే పెద్ద మనిషిగా రెస్పెక్ట్ నే కోరుకుంటాడు దానికే విలువిస్తాడు కానీ ఇతరులు ఆశ చూపే డబ్బుకి కాదు. సర్కార్ లో లాగానే అన్నగారి పెద్ద కొడుకు విప్లవభావాలతో ఉంటాడు, చిన్న కొడుకు విధేయుడిగా మెలుగుతుంటాడు. 30, 40 గ్రామాలకు కీడు చేసే నందనవనం ప్రాజెక్ట్ చేపట్టి డబ్బు మూటగట్టుకునే ఆఫర్ తో వచ్చినవారికి వ్యతిరేకంగా ఆ గ్రామాల సంక్షేమంలో పోరాటం సాగిస్తాడు అన్నగారు మోహన్ బాబు. వాళ్ళంతా అన్నగారి ముందు బలహీనులే కానీ, అన్నగారి బలహీనతైన సంబంధీకులతో ఉన్న బంధాన్ని వాళ్ళు వాడుకుంటారు. ఆయన కుటుంబీకులకు ఆశచూపుతారు. పోరాటంలో ఎవరు నెగ్గుతారు, ఎలా నెగ్గుతారన్న వివరాలు దృశ్యరూపంలో సినిమా థియేటర్ లో చూస్తేనే ఎక్కువ ఆనందం కలుగుతుంది.

హీరో స్థాయిని ప్రేక్షకుల మదిలో పెంచేయటం కోసం అమ్మోరుని మించిన అయ్యవు నీవు లాంటి పాటలు, యాక్షన్ సన్నివేశాలతో పాటు సెంటిమెంట్ ని కూడా పండించటానికి మోహన్ బాబు, జయసుధలకు షష్టి పూర్తి లాంటి సన్నివేశాలను కూడా చిత్రీకరించటం జరిగిందీ చిత్రంలో. ముందుగానే ప్రచారంలోకి వచ్చిన 11 నిమిషాల యాక్షన్ సన్నివేశం రౌడీలతో మోహన్ బాబు, విష్ణులు చేసిన పోరాటం ఆసక్తి కరంగా ఉత్కంఠ భరితంగా సాగింది. యాక్షన్ సీన్లన్నీ చక్కగా పండాయనే చెప్పుకోవచ్చు. అయితే, సర్కార్, సర్కార్ రాజ్, గాడ్ ఫాదర్ లాంటి సినిమాలను చూసిన తర్వాత అదే విధంగా ఉన్న కథలో రసాస్వాదం కొరవడటం సహజమే. అన్నగారి ఇంట్లో విషాదం, కొత్త డాన్ అవతారంలో విష్ణు వచ్చిన తర్వాత సాగిన క్లైమాక్స్ లోని దృశ్యాలను ఇంకా బాగా తీస్తే బాగుండేదేమో అనిపిస్తుంది.

కళాకారులందరూ బాగా చేసారనేదానికంటే, రామ్ గోపాల్ వర్మ వాళ్ళ నుంచి నటనను పూర్తిగా పిండుకున్నారని చెప్పుకుంటేనే సరిగా ఉంటుంది. సినిమా మొత్తంలో మోహన్ బాబు తన నటజీవితంలోనే విభిన్న మైన పాత్రలో అందరినీ ఆకట్టుకున్నారనటంలో సందేహం లేదు. జయసుధ తనకిచ్చిన మేరకు చక్కగా నటించినా ఆమెను కాని, హీరోయిన్ శాన్విని కాని పూర్తిగా ఉపయోగించలేదేమో అనిపిస్తుంది. విష్ణుని చూస్తే సర్కార్ లో అభిషేక్ బచ్చన్ గుర్తుకొస్తాడు. డైలాగ్స్, ఫైటింగ్స్, కథాగమనం చాలా బావుంది. ఇంటర్వెల్ తర్వాత కథలో కాస్తంత పట్టు తప్పుతున్నట్లనిపించినా, యాక్షన్ సీన్లు వాటిని కవర్ చేసాయి.

చివరి మాట..

మోహన్ బాబు, వర్మల గొప్ప అభిమానులైతే తప్ప ప్రేక్షకులకు ముఖ్యంగా గాడ్ ఫాదర్, సర్కార్, నాయకుడు చూసినవాళ్ళకి ఈ సినిమాలో కొత్తగా ఆశించదగ్గదేమీ ఉండదు.

-శ్రీజ

Rowdy Telugu Movie Review, Rowdy Telugu Movie Review and Rating, Rowdy Movie Review, Mohan Babu Rowdy Movie Review, Rowdy Review, Rowdy Rating, Rowdy Telugu Movie Stills, Rowdy Telugu Movie Trailers, Videos, Rowdy Telugu Movie Songs, Rowdy Telugu Movie Wallpapers, Rowdy Telugu Movie Posters, Ram Gopal Varma Rowdy Movie, Rowdy Telugu Movie Release Date, Cast and Crew Mohan Babu, Manchu Vishnu, Jayasudha.